Vanoggend het Anna Morf by my kamer ingehorrel gekom - soos sy elke Dinsdagoggend doen. Sy het vir my ‘n Dinsdagpersent gebring: dit was ‘n pakkie kitssop (‘tasty chicken and papyrus’). Ek was oorstelp van vreugde. Ek wou nog altyd ‘n pakkie kits-hoendersop van daardie geur gehad het! Aangesien Anna nooit praat nie, het ek egter nie lekker geweet wat sy wil hê ek moet daarmee doen nie (en die briefie het net gesê “geseënde Dinsdag”). Toe stap ek maar kombuis toe, sit die ketel aan en gooi die pakkie in ‘n sopkoppie – soos mens soms met hierdie nimlike soppoeier maak.
Tussen stukkies noedels, gelerige poeier, papawers, dollosse en donsveertjies, lê ‘n strokiesprent:
Geseënde Dinsdag vir jou ook, Anna Morf (waarookal jy is). Dis die beste Dinsdagwens wat ek nog ooit gehad het.
13 Kommentaar
Januarie 9, 2007 at 10:16 vm
milk
Januarie 9, 2007 at 12:20 nm
ek hou meer van woensdae
Januarie 9, 2007 at 9:51 nm
Hmmm…dalk is dit ook ‘n Maart-ding. ‘n Vriendin van my wat ook in Maart verjaar (Hilette), is ook ‘n Woensdagmens. Johan, jy kan die Maart-teorie laat geld of ophef: watse dag verkies jy?
Januarie 10, 2007 at 8:13 vm
Ek hou elke dag van vandag. Maar dis seker omdat ek in Januarie verjaar.
Januarie 10, 2007 at 10:40 vm
Knap!Wanneer verjaar jy, Marios Bros.?
(Ek wil vir jou ‘n pakkie goudvis-gegeurde poeiersop pos.)
Januarie 10, 2007 at 12:17 nm
ek’s meer ‘n dinsdagmens.
Januarie 10, 2007 at 12:39 nm
ek sal ongelukkig jou Maart-teorie moet betwis. Ek verjaar ook in Maart en is ‘n Woensdagmens. Askies.
Januarie 10, 2007 at 12:41 nm
Hilette is reg. Woensdag is beter. Ek dink in sy hartjie is Johan ook eintlik ‘n Woensdagmens.
Januarie 10, 2007 at 2:38 nm
Na drie jaar se aande in ‘n manskoshuis…nie ‘n kans in hel nie
Januarie 10, 2007 at 5:16 nm
O, ek verjaar nie in Maart nie, Anja. Ek het net gereken (aangesien ek weet jy en Johan verjaar beide in Maart) dat ek die ooreenkoms tussen julle kan gebruik om my teorie te bewys, al dan nie. Maar, helaas! Daar is toe geen skynbare verband tussen verjaarsdagmaand en voorkeur van Dins- of Woensdag nie.
Ek sal ‘n nuwe teorie moet versin…
Januarie 11, 2007 at 6:28 vm
Dis hartseer dat daar geen verband is tussen verjaarsdagmaande en gunsteling weeksdae nie.
Januarie 11, 2007 at 8:42 vm
Ruzelda, aangesien dit die EEN ding is wat ek nog altyd wou gehad het, goudvis gegeurde poeiersop, kan ek jou seker maar vertel.
Ek verjaar 31 Januarie. As jy nou ‘n mooi 35 op daai pakkie sop kan sit, sal dit ekstra spesiaal wees.
Januarie 11, 2007 at 8:30 nm
Sjoe, dis ‘n moeilike takie…maar ek sal my bes probeer.